Сауд Арабиясында осы күндері ауа температурасы 47 градусқа дейін жоғарылап, ыстықтан тіпті оған төзімді келеді деген шөлдегі жәндіктердің өзі зардап шегіп жатыр. Араб түбегі – жер бетіндегі ең ыстық мекендердің бірі. Шөл мен шөлейтті жерлерде орналасқан қалаларындағы температура қаңтар айының өзінде 8-20 градус аралығында жылы болып тұрады. Ал жазда бұл көрсеткіш +43 градусқа дейін шарықтайды. Елдегі тұрғындардың бірі көлеңке жаққа қарай жанұшыра асығып бара жатқан кесірткені бейнетаспаға түсіріп алыпты. Биологтардың айтуынша кесірткелер өз денесіндегі температураны реттеу үшін жиі көлеңке жер іздейді екен.