Өзгеше механикалық құрылғы қолға бекітіліп, түрлі тапсырмаларды орындауға көмектеседі. Бұл жайында islam.kz порталы Tech Xplore ақпарат көзіне сілтеме жасай отырып мәлім етеді. Кембридж университетінің зерттеушілері қолдан басқарылатын протез жасады және кез келген адамның қандай да бір затты немесе бұйымды көтеру, аударып көру, т.б. әрекет үшін қолындағы қосымша, алтыншы саусақты қолдануды тез үйрене алатынын дәлелдеді. Құрылғы адамның қозғалыс ауқымын арттыруға, соның ішінде, қандай да бір затты қармап ұстау қабілетін жақсартуға және қолдың жүк көтеру қабілетін арттыруға арналған. Оны бір қолмен орындау мүмкін емес немесе өте қиын тапсырмаларды орындау үшін пайдалануға болады. Сонымен қатар, ол басқа адамдардың көмегін қажет етпестен бірнеше қолмен күрделі тапсырмаларды орындауға мүмкіндік береді. Қосымша саусақ алақанның биологиялық бас бармағына қарама-қарсы жағына бекітіледі. Ол әрбір бас бармақтың астында орналасқан қысым сенсорымен басқарылады. Оң саусақтың қысымы бас бармақты қолдың үстінен тартады, ал сол жақ саусақтың қысымы бас бармақты саусақтарға қарай тартады. Бас бармақтың қозғалу дәрежесі түсірілген қысымға пропорционалды, ал қысымды босату оны бастапқы қалпына қайтарады. 2022 жылы Королдік қоғамның жыл сайынғы жазғы ғылыми көрмесінде робот саусақты сынап көру мүмкіндігіне ие болды, мұнда барлық жастағы жұртшылықтың өкілдері құрылғыны түрлі тапсырмаларды орындау үшін пайдаланып көрді. Барлығы дерлік құрылғыны пайдалану жолын бірден игеріп алды. Тәжірибеге қатысушылардың 98%-ы алғашқы бір минутта роботты саусақпен объектілерді қалауынша басқарды, тек 13 адам ғана берілген тапсырманы орындай алмады. Егде жастағы және жасы кіші ересектердің жаңа технологияны пайдаланған кезде қабілеттілік деңгейі бірдей болды, дегенмен, тек егде жастағы ересектердің кейбіреуі жасына байланысты робот қолды меңгеруде икемсіздік танытты. Зерттеушілер мұны қартаюмен байланысты сенсомоторлық және когнитивті қабілеттердің жалпы төмендеуіне байланыстырды. Бұл сынақ өз кезегінде әр буынның, ұрпақтың технологияға деген көзқарасын да көрсетуі мүмкін