2032 жылы Айда алғашқы қонақ үй ашылады, деп хабарлады 24.kz 

Бұл туралы Америкалық GRU Space компаниясы мәлімдеді. Құрылыс жұмыстары 2029 жылға жоспарланған.

Жоба авторларының айтуы бойынша қонақ үй тұрғызуға қажетті материалдар Жерден тасымалданбайды. Кірпіш роботтандырылған жүйе көмегімен, Айда бар заттардан жасалады. Ал компания саяхатшылар үшін сапар құнын - бір адамға шамамен 416 мың доллар деп бекіткен. Демалыс орнына жету үшін 384 мың шақырым жол жүреді. Ұшу уақыты орташа есеппен 3 тәулікті құрайды. Стартап иелері туристерді Айға SpaceX немесе Blue Origin компаниялары жеткізетінін айтады. Мамандар Айда жол мен инфрақұрылымдар салуға да ниетті.