Түрік мамандары елдің оңтүстік-шығысында орын тепкен Диярбақыр провинциясындағы Дижле университетінің аумағынан мұнай қорын тапты. Сүр ауданындағы кампус аумағында жүргізілген сейсмикалық барлау жұмыстары кезінде. Бұл жайында islam.kz порталы mk-turkey ақпарат көзіне сілтеме жасай отырып мәлім етеді. Аталған жоғарғы оқу орны мен SANKO Holding еншілес ұйымы PETAR A.Ş. компаниясы арасындағы келісімге сәйкес өндірілген мұнайдан түсетін табыстың бір бөлігі университет игілігіне жұмсалады. Осынау жоба аясында компания бұрғылау жұмыстарын жүргізу үшін учаскені 10 жыл мерзімге жалға беруді сұрап отыр. Университеттің мәлімдемесінде сұраныс техникалық және әкімшілік бағалаудан кейін мақұлданған, содан кейін оқу орнының басшылық кеңесі бекіткен. Рәсім Түркияның Білім министрлігінен қажетті рұқсаттарды алғаннан кейін аяқталды. Бірінші кезеңде екі бұрғылау алаңы құрылады, ал ауданда барлығы алты ұңғыма бұрғылау жоспарланған. Хабарламада айтылғандай, өндіру басталғаннан кейін әр ұңғымадан тәулігіне орташа 150 баррел мұнай өндіру күтілуде. Бұл алты ұңғыманың жұмысы кезінде шамамен 328 500 баррелдің жылдық мөлшеріне сәйкес келеді. Тараптар арасындағы келісім шарттарына орай университет 25% деңгейінде белгіленген мемлекеттік роялти мен пайдалану шығыстарын шегергеннен кейін мұнай сатудан түскен таза түсімнің 3%-н алатын болады. Университет әкімшілігі бұл қаражатты ғылыми зерттеулерге және инфрақұрылымды дамытуға бағыттауға ниетті екенін мәлімдеді.