Түрік басшысы Брюссельден Еуропаға ағылған босқындармен күресу үшін қаржылай көмектің көлемін өсіруді талап етті. Президенттің айтуынша, Одақ Түркияға 2 жылға емес, әр жылға 3 миллиард еуро бөлуі тиіс. Егер Кәрі құрлық Түркияның талабымен келіспесе, Анкара шекарасын айқара ашып, Одақты босқындармен толтыруға дайын. «Еуропа елдері дағдарыстың көкесін сонда көреді», - дейді президент. Мәселен, Одаққа бет алған мигранттардың көбі осында тоқтап, түрік елі Кәрі құрлыққа қорған болып отыр. Ал пана іздегендерді ұстап тұру үшін түрік билігіне де қаржы керек.