Қырым түбегіндегі Тархан ауылының мұсылманы өз үйінен уақытша бас тартып, мешітке айналдырды. Ендігі жерде ауыл тұрғындары жамағат болып жиналып намаз оқитын орыннан тапшылық көрмейтін болды. Үй егесі (аты-жөні айтылмаған – ред.) қазіргі уақытта аталған түбектен тыс жерде жүрген көрінеді. 120-ға тарта татар отбасы бір мешітке зар. Аталған ауыл тұрғындары өз қалталарынан қаражат жинастырып, мешіт салатын жер телімін сатып алған екен. Алайда, бар қаражаты тек жер телімін сатып алуға жұмсалғандықтан, аяқталмай қалған мешіт құрылысының жұмысын жүргізуге жетпеген.