Австралиялық археологтар қашықтықтан зондтаудың заманауи технологияларының көмегімен Камбоджада 1 200 жылдық қаланы тапты.

Сидней Университеті жанындағы археологиялық ғылыми-зерттеу орталығының директоры Дамиан Эванс және бір топ ғалымдар  Сием Рип облысы аумағында жұмыс істеп жатыр. Олар Камбоджаның шалғайдағы ну ормандарында лидар лазерлік технологиясын пайдалануға рұқсат алды.

«Бұл құралдың көмегімен бұрын білмеген қаланың суретін көрдік», - деді Эванс.

Ол Пном Кулен тауында салынған, кейін жоғалып кеткен ортағасырлық Махендрапарват қаласын іздеу кезінде табылды.

Лидар мәліметтерін пайдаланған археологтар тобы бұрын белгісіз болған бес ғибадатхананың қираған үйіндісін, алып Будда мүсінін, көне каналдар, жолдар, жүздеген дөңді тапты.