Дағыстанның Ширкей ауылдық елді-мекенінде адам басты қозы төлдеді. Бұл жайындағы видео YouTube-де Odinokiy Chechenec деген бүркеншек есімді ғаламтор пайдаланушының  видеохостингісінде жарияланды. "Звезда" телеарнасының хабарлауынша, біртүрлі жаратылыстың түр-әлпеті мал дәрігерлерінің жанын түршіктірген. Қозының танауын, иегін айтпаған күннің өзінде, оның ерні де адамдікіне ұқсаған. Ғалымдар мұның сырын түсіндіріп бере алар емес. Шындыққа жанасады-ау деген мынадай жорамал да айтылмай қалмады: оның енесіне берілген жемнің құрамында А  дәрумені шектен тыс мөлшерде болған.