02.12.2016 11120 Ойтамшы
Намазхана

Астана әуежайындамын. Намаз оқуға арналған бөлмені жауып тастағалы намазды уақытында оқу уайым болды. Ары-бері қарап ыңғайлы орын таппаған соң бұрыштағы баспалдақтың шатырға шығатын тұсына барып, жайнамазды жайып, сонда оқыдым. Дәретханада бір шетелдік аяғын жуып жатыр. Ондағы жұрт оның бұл әрекетін түсіне алмай, жақтырмаған кейіп танытуда. Намазын әй шайға қарамай бос орынға барып оқи салды. Кеше Ханшатыр сауда үйіндегі намазхананың есігінде қара құлып тұрғанын көргенімін. Бұл не сонда? Тәуелсіздігіміздің 25 жылдығына арналған тартуы ма? Жоқ, кеңес кезеңіне кері келдік пе? Жоқ әлде экстримизммен күрестің түрі ме? Әлемнің кез-келген әуе жайында (Америка, Европаны да қосыңыз) намаз оқуға арнайы орын бөлінген. Ішінде дәрет алуға барша жағдай жасалған. Жарайды намаз оқитын ел азаматтарымызды ескермей, құқықтарын таптай берсін! Бірақ біз өркениетті елміз. Әне-міне 30 елдің қатарына қосыламыз деп ұрандатып жатырмыз. Әлемнің барлық елдерімен тығыз қарым қатынастамыз. Ислам ынымақтастық ұйымына төрағалық еттік. Елбасы ұмрасы мен қажылығын өтеп қайты. Жұрт бізді мұсылман елі деп біледі. Сөйте тұра келген шетелдіктердің аяқтарын қоғамдық дәретханада жудырып, намаздарын аяқ асты болатын жерде оқытып қойғанымыз қалай? Намаз оқитын адам әйтеурі бір жолын тауып, Алла міндеттеген парызын оқиды. Бірақ қай жерде? Бейберекетсіздікке өз қолымызбен итермелемей, өз еліміздің қадірін түсірмей намазхана ашуға не кедергі?! Ашуға емес, бар намазхананы жабуға не себеп? Экстремизмнен сақтану ма? Намазхананың бұрышына "бұл жерде уағыз айтуға болмайды" десек, жеткілікті емес пе? Кіммен сөйлессем, барлығы биліктің бұл шешіміне наразы. Мұсылмандарды билікке наразы көңілге итермелейтін мұндай істерге кім жауапты? Жоқ әлде "Кәпір билік" дейтін такфирилерге өз қолымызбен дәлел дайындап беріп жатырмыз ба? Олай болса, тәкфирилермен күресіп, босқа шабылып қайтеміз?! Өткенде министр Нұрлан Ермекбаев мырзамен кездескенімде, осы жағдайды жеткізгенмін. Фейсбукта жекке аккаунтын ашып, қоғамның пікірін тыңдаймын деген соң, тағы да жамағаттың үнін жеткізіп отырмын.

4 пікір
  • Осы бір өзекті мәселе ол ғана емес намаз оқитын адамдарға алая қарау, орамалды қарындастарымызды жұмысқа алмау, орамалыңды шеш сосын жұмысқа аламыз деп немесе жұмыстан шық деп сес көрсетуі биліктің өзіне жасап жатқан үлкен қастандығы. Түбінде ақты ақ деп танитын адамдардың үні бірігіп, арты үлкен келіспеушілікке немесе ашық наразылыққа алып баруы мүмкін.

    Бір жолы айтып едім қазақтың мәселесі қазақ жерінде назардан тыс қала берсе, түбінде ол мемлекетке үлкен қауіп төндіреді. Себебі, қазақ басқа жерде қазақша сөйлеп, біреуден қазақша ештеңе талап ете алмайды. Сондықтан өз жеріндегі тіл, дін, болмыс мәселесі ұлттың ашуына ши жүгіртетін күрделі мәселеге айналады. Мысалы, маған біздің болмысымызға мүлде жат саналатын басқа ұлт өкілдері қыздарының темекі тартып, қымсынбай ашық-шашық жүруі (біздікілер соларға еліктеді) және қоғамдық сауда орындарында жалаңаш киімдерді жарнамалайтын суреттердің үлкен форматтармен өте көптеп жабыстырылуы, әрі ол суреттердің сексуалды сезімдерді қоздыратын кейіпте болуы мүлде ұнамайды. БҰЛ БІЗДІ СЫЙЛАМАУ. ҮНСІЗ ЖҮРЕ БЕРУІМІЗ ӨЗІМІЗДІ ӨЗІМІЗ СЫЙЛАМАУЫМЫЗ. СОЛ САУДА ОРЫНДАРЫНДА АТА-АНАЛАР БАЛАЛАРЫН ЖЕТЕКТЕП ТҮК БОЛМАҒАНДАЙ ЖҮРЕ БЕРЕДІ. НЕГЕ ҰЛТТЫҚ ИДЕОЛОГТАР МЕН ХАЛЫҚ ҚАЛАУЛЫЛАРЫ ОСЫ МӘСЕЛЕНІ ШЕШПЕЙДІ.
    Жалпы халық оған наразы бірақ ешиеңе айта алмайды. Айтса бүлікші атанады.
    3 ай бұрын
  • Ия, өте орынды мәселе көтердіңіз.
    3 ай бұрын
  • Арине,дурыс маселе котерип отырсыз!намаз уакыты киргенде когамдык орындарда мамаз оку биршама киындык тугызады....кайта намазханаларды ашша екен!
    2 ай бұрын
  • Мемлекеттік дін болып есептелмегеннен болар. Білуімше, намазханалардың жабылу себебі басқа дін өкілдерінің де өздерінің ғибадат жасайтын орындарының ашылуы болса керек. Зайырлы мемлекет болғаннан кейін, бір дінді басқа діннен жоғары не төмен қоя алмайды. Отанымызда бір емес, бірнеше дін өкілдерінің болуына байланысты осындай кішкентай ғибадатханалардың ашылуы ел арасында бүлік орнатар дегенге қауіппен жабылса керек. Дегенменде, әр дінге өзіндік құрметпен қарау керек деп ойлаймын. Ислам дініндегідей басқа діндерде күніне бес уақыт ғибадат жасайды деп те айта алмаймын. Соны ескере келе ,негізінен, намазханалардың ашық болуы орынды болар деп ойлаймын. Не болса да, Аллаһ бізге сабыр берсін.
    1 ай бұрын