Ассалямуғалейкум уа рахматуллаһи уа бәракәтуһу!
Менің сұрайын дегенім, қазір Атырауда жұмыспен жүрмін. Екі-үш айға іссапармен келгемін. Уақытым көбіне іссапармен өтеді. Әр жерде 2-3 айлап жұмыс істеймін. Өзім Алматыда тұрамын. Осы жағдайда намазды қалай оқимын? Сафар үкімі маған жүре ме? Және Оразаны қалай ұстаймын? Үнемі жолда болам 3-4 айлап алдын ала рахмет. Аллаһ разы болсын!Ассалямағалейкум! Ертай Дәуленбаев.
|
Үнемі іс-сапармен жүрген кісінің оразасы мен намазы қалай?
|
Уағалейкумуссалам уа рахматуллаһи уә бәракәтуһу!
Ертай мырза, Ханафи мәзхабы бойынша кімде кім өзінің тұрақты елді-мекенінен өзге жерде 15 (он бес) күннен көп қалуды үйғарса ол кісі жолаушы үкімінен шығып, намаздарын қысқартпай толық оқиды[1], ораза айында оразасын ұстайды. Ал, неше уақыт қалатыны белгісіз болса, онбес күннен көп уақыт қалса да жолаушы ретінде есептеле береді.
Cахаба Абдулла бин Аббас пен Абдулла бин Омар (р.а.): «Егер жолаушы кезінде бір қалаға келген болсаң және сол жерде он бес күн қалуды іштей үйғарсаң намазды толық орында. Ал қашан кететінің белгісіз болса намазыңды қысқартып оқы!», - деген[2].
Осы негізге сүйеніп айтарымыз, іссапармен барған жеріңізге он бес күннен көп уақыт тұрақтайды екенсіз. Әрі он бес күннен көп уақыт қалатындығыңыз сіз үшін белгілі. Сондықтан, діттеген жеріңізге (Атырау) жеткен сәттен бастап жолаушы үкімінен шығып, оразаңызды ұстайсыз, намаздарыңызды қысқартпай толық оқисыз.
Өзекті сұрақтар
Көп оқылғандар
■
Хатым Құранды соңына дейін қалай аяқтауға болады, екі-үш парадан кейін тастап қойып жатырмын?
■
Қайтыс болған адамның қырқын қалай есептейді: жамбасы жерге тиген күннен бастап па, әлде қайтыс болған күннен бастап па?
■
Халал ақша бар төлем картасына харам ақша араласса, ол картаны қолдануға бола ма?
■
Темекіге жіберсе, баруға бола ма?
