Әссәләмуғалейкум! Нәпіл оразаның қазасы өтелмейді ма? Хайыз келген жағдайда да өтеле ме? Осыған қатысты шағын болса да жазба ретінде жазып шығара аласыз ба, уақытыңыз болып жатса!
|
Нәпіл оразаның қазасы өтеле ме?
|
Уәғалейкумәссәләм уә рахматуллаһи уә бәракәтуһ!
Ұстап бастаған нәпіл оразасын бір жағдайлармен (мысалы, хайыз келіп) бұзған кісі, сол күннің қазасын өтейді. Нәпіл оразаның қазасын өтеу, Ханафи мәзхабында – уәжіп[1]. Алла Тағала Құран Кәрімде: «Істеріңді зая кетірмеңдер» деген[2].
Оның үстіне хадисте де нәпіл оразаның қазасы өтелетіндігі айтылған. Бұл жайында Айша айнамыз (р.а.) былай дейді:
«Маған және Хафсаға (р.анһума) ас сыйға тартылды. Біздің аузымыз берік-тұғын. (Шыдай алмай) аузымызды ашып жібердік. Одан соң, Алла елшісі (с.а.у.) кірді. Біз Оған: «Уә Расулаллаһ, бізге сыйлық берілген еді. Тәбетіміз тартып, аузымызды ашып жібердік», - дедік. Сонда Пайғамбар (с.а.у.): «Оқасы жоқ. Оның орнына басқа бір күн ұстайсыңдар», - деп айтты»[3].
[1] Шүрунбуләли: Имдәд – 619 бет.
[2] Мұхаммед сүресі, 33 аят.
[3] Әбу Дәуід - №2457; Тирмизи - №735.
Өзекті сұрақтар
Көп оқылғандар
■
Хатым Құранды соңына дейін қалай аяқтауға болады, екі-үш парадан кейін тастап қойып жатырмын?
■
Қайтыс болған адамның қырқын қалай есептейді: жамбасы жерге тиген күннен бастап па, әлде қайтыс болған күннен бастап па?
■
Халал ақша бар төлем картасына харам ақша араласса, ол картаны қолдануға бола ма?
■
Темекіге жіберсе, баруға бола ма?
