Ассалаумалейкум рахматуллахи уа баракатуһ! Жаңа таң намазын мешітте оқып едім, тек сәлем намазын оқып таң намазының сүннетін оқымаппын. Парызды оқып болғасын имамнан «кәзір сүннет оқып алсам бола ма», деп сұраған едім, ол «жоқ» деп жауап берді. Сұрақ: Енді сүннет намазын оқымаймын ба, әлде кәзір оқып алуға бола ма?
|
Таң намазына мешітке барғанымда тек мешіт ақысын ғана оқып, сүннетін оқымаппын. Сүннетін оқиын ба?
|
Бисмилләһир рахманир рахим
Уағалейкумуссәләм уә рахматуллаһи уә бәракәтуһ!
Құрметті сауал жолдаушы, мешітте жамағатпен таң намазын оқығаныңыз үлгі аларлық іс. Мешітте жамағатпен оқылған намаздың сауабы жиырма жеті есе сауапты.
Сауалыңызға келер болсақ: сіздің мәселеде таң намазы уақытында оқыған екі рәкәғат «мешіт ақысы», таң намазыңыздың сүннетінің орнына есептелетіндіктен, оны қайта оқудың қажеті жоқ(1).
Осы тұрғыда, таң намазы уақыты кіргеннен кейін, күн шыққанша мешіт ақысы сияқты нәпіл намаздардың оқылмайтындығын еске салып өткім келеді, үкімі мәкруһ. Әлһамдулилләһи Раббиль аләмин!
(1). Ибн Нүжейм: "Әшбәһ уән-Назаир". 117 бет.
Өзекті сұрақтар
Көп оқылғандар
■
Хатым Құранды соңына дейін қалай аяқтауға болады, екі-үш парадан кейін тастап қойып жатырмын?
■
Іштегі жаман ойлар жазыла ма?
■
Қайтыс болған адамның қырқын қалай есептейді: жамбасы жерге тиген күннен бастап па, әлде қайтыс болған күннен бастап па?
■
Жаңа жыл қарсаңындағы жеңілдіктерді (скидка) пайдалануға бола ма?
■
Халал ақша бар төлем картасына харам ақша араласса, ол картаны қолдануға бола ма?
