Ассәләмуғалейкум! Екі ракат парыз намазы, яғни тан намазын екі ракатін жамағат болып төрт ракат етіп оқып қойдық,енді не істей аламыз жамағатпен қайта оқимызба жауап бере аласызба? Абдульазиз.
|
Таң намазын жамағат болып, төрт рәкәғат етіп оқып қойдық. Намаз санала ма?
|
Уағалейкумуссәләм уә рахматуллаһи уә бәракәтуһ!
Егер, екінші рәкәғаттан кейін «әттахият» отырысына отырған болсаңыздар, намаз дұрыс. Қайта оқудың қажеті жоқ [1].
- Ондай кезде сәһу сәждесін жасау керек пе?
- Қатесін намаздан шықпай тұрып аңғарған имам (немесе жеке оқушы) соңында сәһу сәждесін жасауы тиіс.
- Сәһу сәждесі жасалмаған болса, намаз дұрыс па?
- Ұмытып не білмей, яки күн шығуға таяған себепті сәһу сәждесін жасамаған болса, намаз саналады, қайта оқудың қажеті жоқ.
- Төрт рәкәғат қылып оқыған таң намазының екінші рәкәғатында отырмаған болсақ, ол намаз санала ма?
- Екінші рәкәғаттан кейін әттәхиятқа отырмаған болсаңыздар, таң намазы саналмайды, қайта оқу керек болады.
- Не себепті?
- Намаздың ішкі парыздарының бірі саналатын соңғы отырысқа отыру парызы орындалмағаны себепті.
[1] «әл-Фәтәуә әт-Тәтәрхания», 1\528 (529).
Өзекті сұрақтар
Көп оқылғандар
■
Хатым Құранды соңына дейін қалай аяқтауға болады, екі-үш парадан кейін тастап қойып жатырмын?
■
Іштегі жаман ойлар жазыла ма?
■
Қайтыс болған адамның қырқын қалай есептейді: жамбасы жерге тиген күннен бастап па, әлде қайтыс болған күннен бастап па?
■
Жаңа жыл қарсаңындағы жеңілдіктерді (скидка) пайдалануға бола ма?
■
Халал ақша бар төлем картасына харам ақша араласса, ол картаны қолдануға бола ма?
