Аяқты құбылаға созып отыру немесе құбылаға аяқ созып жату мәкруһ пе?
|
Құбылаға қарай аяқ созу мәкруһ пе?
|
Әлхамдулилләһ. Уассаләту уәссәләму аля Расулилләһ!
Аяқты әдейі, үзірсіз құбылаға созу мәкруһ үкімін тудырады. Мұндай әрекет құбылаға деген құрметсіздік, әдепсіздік болып есептеледі. Құранда: "Алланың рәсімдерін ұлықтау (құрметтеу) - жүректің тақуалығынан" дейді Алла Тағала. ("Хәжж", 32ّ). Аяқ созудың мәкруһтігі жайында Ханафи ғалымдары өздерінің кітаптарында бірнеше рет айтып кеткен. Мәселен, «әл-Фәтәуәль Һиндия» кітабында:
«Ұйқыда болсын, басқа кезде болсын әдейі қағба тасқа қарай аяқты созу - мәкруһ болмақ. Сондай-ақ, шариғи кітаптарға да аяқ созу мәкруһ»1 дейді ғалым.
Басқа бір Ханафи кітабында былай делінген:
«Ұйқыда болсын, басқа кезде болсын құбылаға әдейі аяқ созу - мәкруһ. Сондай-ақ, Құран кітапқа және фиқһ кітаптарына аяқ созу мәкруһ. Құбылаға аяқ созудың мәкруһ болуының себебі - онда құбыланы құрмет тұтпаушылық бар болуында...»2.
1 «әл-Фәтәуәль Һиндия».
2 «әл-Мұхитуль Бұрһани».
