Уағалейкумуссәләм уә рахматуллаһи уә бәракәтуһ!

Парыз намазының үш не төрт рәкәғаттарында зам сүресін оқымау – сүннет.  Сол себепті, аталмыш рәкәғаттарда зам сүресін оқыған кісі «мәкруһ» жасаған болады. Дегенмен бұндағы мәкруһ - «тәнзиһән», яғни, жеңіл мәкруһ. Бұл дегеніміз, намазға зияны жоқ, намазы есептеледі деген сөз.

Ал енді «зам сүресін оқып қойған жағдайда сәһу сәжде жасала ма?» дегенге келер болсақ, Ханафи ғалымдары ішінен Имам Әбу Юсуфтың «сәһу сәждесін жасайды» деп тұжырымдағаны кітаптарда келтіріледі, десе де, Ханафи мәзхабында қабыл етілген пәтуа бойынша ол үшін сәһу сәждесін жасау керек емес. Өйткені, аталмыш рәкәғаттарда зам сүре оқымауы сүннет, ал намаздың сүннетіне қайшы амал еткен кісі сәһу сәжде жасамайды[1].