Намазда сүрелерді дауыстап оқудың мөлшері - өзге адам еститіндей (кем дегенде бірінші саптағылар еститіндей) болуы керек. Ал, іштей оқудың мөлшері – өзі еститіндей болуы тиіс делінген кітаптарда. Сондықтан да, намазды іштей оқитын кісі намаз сүрелері мен дұғаларын өзі ести алатындай сыбырлап, тіл мен ерінді қимылдату арқылы әріптерді орын-орнымен шығарып оқиды. Тіл мен ерінді қимылдатпастан ойша оқу – оқыған боп саналмайды. Ол - пікірлеумен тең. Пікірлеу – оқу емес.