Уағалейкумуссәләм уә рахматуллаһи уә бәракәтуһ!

Күн тас төбеге келген сәтті шариғатта «зәуәл уақыты» дейді (шамамен бесінге дейін 15 минуттық сәт, не одан көптеу, не одан аз бір сәт). Бұл зәуәл уақыты кірген уақытта бесінге дейін ешқандай намаз оқуға болмайды, мейлі қаза намазы болсын, мейлі нәпіл намазы болсын. Сол себепті, Ханафи мәзхабында, Жұма күні зәуәл уақыты кіргенде екі рәкәғаттық мешіт ақысын оқуға болмайды. Бірақ Имам Әбу Юсуф (р.а.) кейбір риуаяттарға қарай отырып "жай күндері зәуәл уақытында оқуға болмайды, ал жұма күні зәуәл уақытында мешіт ақысын оқуға болады" деп, жұма күні зәуәл уақыты болса да мешітке келген кісінің «мешіт ақысын» оқуын абзал санаған. Дегенмен, Ханафи мәзхабында қабыл етілген пәтуа - жұма күні болса да, зәуәл уақытында сәләм намазы оқылмайтындығы жөнінде[1].