Жолаушы кісі барған жерінде "15 күн қалуға" ниет қылса, ол уақытша жолаушы болудан шығып, намаздарын қысқартпай оқиды делінеді. Енді, білгім келгені: Осы 15 күнді есептейтін кезде жолға кеткен күндерді де қосып есептей ме, әлде олар өз алдына бөлек пе? Сұрағым түсініксіз болса, кешірім сұраймын.
|
Жолаушы намазындағы "15 күн қалса..." деген үкімге жолға кеткен күндер қосыла ма?
|
Құрметті сауал жолдаушы, өзіңіз айтқандай, сапардағы адам әлдебір елді-мекенде 15 күн не одан көп уақыт қалуды ұйғарса, ол жер бұл үшін "уақытша отан" саналып, намаздарын қысқартпай толық оқиды.
Ендігі жерде, барған жерінде қанша күн қалатындығын есептейтін кезде, жолға кеткен күндерді де қосып есептей ме? әл-Жауап: оған жолға кеткен күндерді қосып есептемейді. Мысалы, үш тәулік жүріп жеткен жерінде 12 күн қалатын болып шешті делік. Бұл кісі жолға кеткен үш тәулікті де қосып, "15 күн" деп есептемейді. Жолға кеткен күндер бөлек, ал, уақытша мекенде қалатын күндері бөлек.
Өзекті сұрақтар
Көп оқылғандар
■
Хатым Құранды соңына дейін қалай аяқтауға болады, екі-үш парадан кейін тастап қойып жатырмын?
■
Іштегі жаман ойлар жазыла ма?
■
Қайтыс болған адамның қырқын қалай есептейді: жамбасы жерге тиген күннен бастап па, әлде қайтыс болған күннен бастап па?
■
Жаңа жыл қарсаңындағы жеңілдіктерді (скидка) пайдалануға бола ма?
■
Халал ақша бар төлем картасына харам ақша араласса, ол картаны қолдануға бола ма?
