Әссәләмуғалейкум! Маған дəрігер «онихомикоз» (ногтевой грибок) деп диагноз қойды. Емінің бірі - (басқа да дəрілермен бірге) тырнаққа арнайы лак жағу. Оны жағар болсам, алынған дəретім толық болып санала ма? Не істесем болады? Гүлзира
|
Ем үшін тырнаққа арнайы жасалған лакты жақсам, дәретке кедергі ме?
|
Уағалейкум әссәләм уа рахматуллаһи уә бәракәтуһ!
Ханафи мәзхабының ғұламасы, хадисші әрі фиқһшы Имам әл-Маусули өзінің «Ихтияр ли Тағлилиль Мухтар» атты еңбегінде былай деген:
«...Егер аяғының жарылған [1] жеріне дәрі жақса және жағылған дәріден теріге су жұқпайтын болса, дәрінің үстінгі бетінен судың ағуы жеткілікті»[2].
Демек, аталмыш медициналық лакты ем үшін жағатындықтан, тырнақ астына судың өтпеуі дәретке кедергі емес. Аяқ жуғанда үстіңгі бетінен судың ағуы жеткілікті.
«Судың тиюі де зиянды» - десеңіз, онда, әлгі жеріне мәсіх тартылады да, сау жерлері жуылады. Ал, егер мәсіх тарту да залалын тигізсе, таңғышпен таңып, таңғыш үстінен мәсіх тартылады.
Өзекті сұрақтар
Көп оқылғандар
■
Хатым Құранды соңына дейін қалай аяқтауға болады, екі-үш парадан кейін тастап қойып жатырмын?
■
Іштегі жаман ойлар жазыла ма?
■
Қайтыс болған адамның қырқын қалай есептейді: жамбасы жерге тиген күннен бастап па, әлде қайтыс болған күннен бастап па?
■
Жаңа жыл қарсаңындағы жеңілдіктерді (скидка) пайдалануға бола ма?
■
Халал ақша бар төлем картасына харам ақша араласса, ол картаны қолдануға бола ма?
