Бисмилләһир рахманир рахим, уағалейкумуссәләм уә рахматуллаһи уә бәракәтуһ!

Күйеуі есінен айырылса немесе жынданса некелері бұзылмайды, некелері сақталады. Тіпті есінен алжасқан ер адам өзінің некелі әйеліне талақ айтса, талағы негізге алынбайды. Өйткені, шариғи міндеттемелер үшін ақыл-есі сау болу маңызды. Ақыл есін жоғалтқан адамға үкім жүрмейді. Сондай-ақ, талып қалған, қатты сасқаннан немесе қатты қорыққаннан бір пәс есінен адасып, не айтып не қойғанын білмейтін күйге түскен адамның да талағы есептелмейді¹.

¹Имам Кәсәни: «Бәдәиъус санаиъу». 4\214 бет.