Құрметті сауал жолдаушы, шариғат талаптарына сай қиылған некеден кейін ерлі-зайыптылар ажырасқан жағдайда (яғни, талақ айтылып, неке бұзылған жағдайда): егер арада төсек қатынасы жүзеге асқан болса, немесе қатынас жүзеге аспағанымен «хүлуәтус сахиха» туындаған болса, некелесу барысында келісілген мәһр толықтай беріледі. Ал, олай болмаған жағдайда, айтылған «мәһрдің» жарымы беріледі[1].

Құран Кәрімде былай делінген: «Оларға белгілі мәһрдің берілуіне (неке қию барысында) келіскеннен кейін, жақындаспай жатып оларды талақ етсеңдер, онда, тоқтасқан мәһірдің жарымы беріледі...»[2].

Хүлуәтус сахиха дегеніміз, екеуі оңаша, бөлек бір жерде ешқандай кедергісіз қалуды айтады. (Кедергілер ретінде мыналарды айтсақ болады: Рамазан оразасына аузы берік болу, хайыз кезеңіне тура келуі, қастарында үшінші біреудің отыруы, сырқаттық, еркін сезінуге мұрша бермейтін орын т.б.).