Әссәләмуғалейкум, ұстаз! «Әйелімен қосыларда бөлмеде мысық та болмауы керек» дегенді бір жерден оқыған сияқты едім. Бесіктегі немесе жас бала ұйықтап жатса қалай болады екен?
|
Түнде жас балалардың ерлі-зайыптылардың жатын бөлмесінде қалғаны қаншалықты дұрыс?
|
Уағалейкум әссәләм уә рахматуллаһи уә бәракәтуһ!
Алла тағала Құран Кәрімде былай деп бұйырады:
«Ей, иман еткендер! Құлдарың, күндерің және балиғатқа толмаған балаларың үш мезгілде сендердің үстеріңе рұқсатсыз кірмесін. (Ол үш уақыт): Таң намазы алдында, түс мезгілінде (демалу үшін) шешінгенде және түнгі намаздан соң. Бұл уақыттар сендердің абиырларың ашылып қалатын кез...»
Ханбали мәзхабының ғалымы Ибн Құдама (м.1146-1223 ж.) бұл жайындай былай дейді:
«Біреу көріп тұрғанда не біреуге естілетін жерлерде қатынасқа түсуге болмайды. Және адамдар арасында сүйісуге әрі аймаласуға да жол жоқ».
Ендеше, ұлы сөздің ұяты жоқ, ерлі-зайыптылар қосылар кезде оңашаланулары шарт. Оның үшін, есі кіріп қалған жас балаларды ләж болса бөлек жатқызғандары дұрыс. Жоғарыдағы аятта «әлі балиғатқа толмаған балалар» делініп тұр. Бұған 3-5 жас және одан жоғарғы жастағы балаларды атасақ болатын шығар. Неге десеңіз, 3-5 жас – балалардың көрген нәрсесін қайталап, анша-мұнша сырларды елге жайып салатын кезең.
Деректерде, сахаба Абдулла ибн Омар (р.а.) бесіктегі сәбидің өзін ондай сәтте бөлек бөлмеге апарып жатқызатындығы айтылады. Деседе, сахабаның ол әрекетін өзіне тән тақуалығы мен ұялшақтығына балаған. Ал, жалпы алғанда, бесіктегі немесе еңбектеп жүрген сәбилерді түнгі уақытта өздерімен бірге жатын бөлмеде қалдырудың ағаттығы болмас.
Ең дұрысы - Аллаға мәлім!
Өзекті сұрақтар
Көп оқылғандар
■
Хатым Құранды соңына дейін қалай аяқтауға болады, екі-үш парадан кейін тастап қойып жатырмын?
■
Қайтыс болған адамның қырқын қалай есептейді: жамбасы жерге тиген күннен бастап па, әлде қайтыс болған күннен бастап па?
■
Халал ақша бар төлем картасына харам ақша араласса, ол картаны қолдануға бола ма?
■
Темекіге жіберсе, баруға бола ма?
■
Әртүрлі тақырыпқа қатысты үш сұрақ
