Әссәләмуғалейкум! Менің әйелімнің алдыңғы некеден бір қызы бар. Сол қыз, яғни, менің өгей қызым менің алдымда шариғат шәлісін тағуы керек пе? Және онымен оңаша қалуым күнә емес пе?
|
Өгей қыз өгей әкесінің алдында да шариғат шәлісін тағуы керек пе?
|
Уағалейкумәссәләм уә рахматуллаһи уә бәракәтуһ!
Бойжеткен өгей қызыңыз да өз қызыңыз секілді сіздің алдыңызда хижапсыз жүруіне құқылы. Әрине, егер фитна туындайтындай қауіп болмаса.
Сондай-ақ, онымен оңаша қалудың да күнәсі жоқ.
Құран Кәрімде үйленуге болмайтындарды тізіп айтқан аят бар. Сол аятта: «...жақындасқан әйелдеріңнің қолдарыңдағы (бұрынғы ерінен болған) өгей қыздарыңмен де некелесу харам етілді. Алайда, ол әйелдерге жақындаспаған болсаңдар, сендерге бір оқасы жоқ...», - делінген[1]. Яғни, өгей қыз өгей әкесіне өз қызындай өмірлікке «махрам» ретінде саналады. Алда-жалда қыздың анасымен ажырасып жатса, өгей қызымен ешқашан некеге тұра алмайды[2].
Жоғарыда «Фитна туындамаса...» деуімнің себебі, өгей әкесі азғындыққа бой алдырған, нәпсісіне берілген әрі әдеп нормаларынан құр алақан адам болса, онда ондай өгей әкенің алдында да хижаппен жүргені дұрыс.
[1] Ниса сүресі, 33 аят.
[2] Бұл - аятта айтылғандай, қыздың анасымен үйленіп, ерлі-зайыпты ретінде арада төсек қатынасы орын алған жағдайға қатысты.
Өзекті сұрақтар
Көп оқылғандар
■
Іштегі жаман ойлар жазыла ма?
■
Хатым Құранды соңына дейін қалай аяқтауға болады, екі-үш парадан кейін тастап қойып жатырмын?
■
Қасқырдың терісін неге іледі? Үйге аңның терісін ілуге бола ма?
■
Имам намазда рукуға барғанда кешігіп келген адам үлгерсін деген мақсатта рүкуғды созуына бола ма?
■
Жаңа жыл қарсаңындағы жеңілдіктерді (скидка) пайдалануға бола ма?
