Әссәляму алейкум уа рахматуллахи уа баракатух! Алланың қалауымен қызым дүниеге келді бүгін, бірақ бүгін Вахтаға жұмысқа кетіп бара жатыр едім. 28 күннен кейін азан шақырып атын қойсам бола ма?
|
Жаңа туған нәрестенің есімін жетінші күннен кешіктіріп қойса бола ма?
|
Бисмилләһир рахмәнир рахим.
Уағалейкумуссәләм уә рахматуллаһи уә бәракәтуһ!
Жаңа туған балаға ат қою рәсімін туғанына жетінші күн толғанда орындаған абзалырақ. Үкімі мұстахаб.
Хадисте: «Пайғамбарымыз (с.а.у.) баланың жетінші күні есімі қойылып, шашы алынып және ақиқа құрбанын шалуды бұйырды» - делінеді. (Имам Тирмизи, «Сүнән»).
Десе де бұл шартты түрде емес. Пайғамбарымыздың аталмыш хадисі «мұстахаб» үкімін білдіреді. Өйткені, Пайғамбарымыз ұлы Ибраһим дүниеге келгенде, есімін сол күні қойғандығы риуаяттарда келтірілген.
Сондықтан да, баланың есімін жетінші күні қоюға үлгермейтін кісі, одан кешірек уақыттарда қойса да болады. Мәселен, деректерге қарағанда, балаға арнап шалынатын ақиқа құрбанын жетінші күні шалып үлгермейтін кісі, 14 күні шалсын, ол күні де үлгермесе 21 күні шалсын делінген. Осыған сай баланың есімін қою рәсімін де 7 күні орындай алмаған кісі, 14 күніне қалдырса болады. Ол күні де үлгере алмаса, 21 күніне қалдырса болады. Бір жағдайлармен ол күннен де кешіктіріп қойып жатса, күнәсі жоқ. Бірақ жоғарыда айтылғанда балаға есімді жетінші күні қойған абзалырақ.
Ең дұрысы – Аллаға мәлім! Әлхамдулилләһи Раббиль аләмин!
Қосымша оқыңыз:
Өзекті сұрақтар
Көп оқылғандар
■
Қасқырдың терісін неге іледі? Үйге аңның терісін ілуге бола ма?
■
Іштегі жаман ойлар жазыла ма?
■
Хатым Құранды соңына дейін қалай аяқтауға болады, екі-үш парадан кейін тастап қойып жатырмын?
■
Имам намазда рукуға барғанда кешігіп келген адам үлгерсін деген мақсатта рүкуғды созуына бола ма?
■
Жаңа жыл қарсаңындағы жеңілдіктерді (скидка) пайдалануға бола ма?
