Ассаләмуғалейкум бауырлар! Менің сұрағым бар еді. Үйде өрмекші көбейіп кетті. Мен соларды өлтіріп, тіпті ұясын өртеп жатырмын. Бір бөлмеде он сегізі жүр екен. Бұған не дейсіздер? Баука.
|
Үйде өрмекші қаптаса, оларды өлтіруге бола ма?
|
Бисмилләһир рахманир рахим.
Уағалейкумуссәләм уә рахматуллаһи уә бәракәтуһ!
Өрмекшілер зиянды жәндіктер саналатындықтан оларды қажет болса, өлтірудің күнәсі жоқ дейді дін ғалымдары бір ауыздан. Өйткені өрмекші де зиянкестің бірі. Олар үйдің қабырғаларына ұяларын салып, қабырғаны былғайды. Сондай-ақ, кітаптардың араларына және киімдердің арасына да ұя салуы мүмкін. Бұлардың бәрі адамдарға зиян.
Сондықтан да, үйіңізде өрмекшілер қаптаған болса, оларды өлтіріп, ұясын өртеудің күнәсі жоқ. Алайда, мүмкін болса, өрмекшінің өзін өртемей, арнайы дәрілер сеуіп, сол арқылы көзін жоюға тырысқан жөн1. Дегенмен, өртеп қана құтылуға болатын болса, өртеуге рұқсат2. Ең дұрысы - Аллаға мәлім!
1 Мұхаммед ғалейһиссәләмнің: «Отпен тек оттың Раббысы ғана азаптауға құқылы» - деп айтқан сөзі бар. (Әбу Дәуід - №2675 хадис.).
2 Себебі тағы бір риуаятта ертедегі пайғамбарлардың бірі өзін шаққан құмырсқаға ашуланып, ұясымен өртеткені сахих хадисте айтылады, осы риуаятқа қарай отырып, кейбір дін ғалымдары зиянды жәндіктерді өртеуге болатындығын айтқан. (Сахих Бұхари - №3141).
Өзекті сұрақтар
Көп оқылғандар
■
Қасқырдың терісін неге іледі? Үйге аңның терісін ілуге бола ма?
■
Іштегі жаман ойлар жазыла ма?
■
Хатым Құранды соңына дейін қалай аяқтауға болады, екі-үш парадан кейін тастап қойып жатырмын?
■
Имам намазда рукуға барғанда кешігіп келген адам үлгерсін деген мақсатта рүкуғды созуына бола ма?
■
Жаңа жыл қарсаңындағы жеңілдіктерді (скидка) пайдалануға бола ма?
