Уағалейкумуссәләм уә рахматуллаһи уә бәракәтуһ!

Мас болу деп, көкті - жерден, әйелді - еркектен ажырата алмайтын күйді айтады. Егер көп ішкенде осындай мас күйге жеткізер қымыз түрі бар болса, ондай қымыз түрін Имам Ағзам Әбу Ханифаның қағидаты бойынша, аз ішуге болады, көп ішуге болмайды. Ал Имам Мұхаммед бойынша, көп ішкенде мас қылатын қымызды аз ішуге де болмайды. Әрине, бұл қымыз сынды негізі алкогольсіз болып табылатын сусындарға қатысты үкім, ал шарап, арақ іспетті нақты алкогольді ішімдіктердің азын да татып алуға болмайды. Аллаһу аъләм!