Ассәләмуғалейкум! Қазіргі технологиялық заманда неше түрлі приложениялар шыққандығы жасырын емес. Солардың бірі фотодағы адамды "тірі" қылады, яғни мимика, қимыл береді. Соған сай сұрақ: қайтыс болған адамның фотосын сондай бағдарламаның көмегімен жандандырса, қаншалықты шариғатқа сай? Қаншалықты теріс? Руслан.
|
Өлген кісінің суретін қимылдатып, жан бітіретін бағдарламаны қолдануға бола ма?
|
Уағалейкумуссәләм уә рахматуллаһи уә бәракәтуһ!
Қайтыс болған кісінің суреттеріне қимыл беріп, оларға жан бітіретін бағдарламаны қолдануға қатысты бүгінде дін мамандарының бір сыпырасы күмәнмен қарайды. Дегенмен, оған оңды көз-қарас білдірген дін мамандары да жоқ емес. Бастысы мархұмның бейнесін келеке-мазаққа айналдырып, ары тапталмауы шарт.
Ал егер, қайтыс болған кісінің суретіне оғаш қимылдар беріп, оның бейнесін келекеге айналдырса, түрлі бейәдеп қимылдар телісе, ол - харам, күнә іс болады. Өйткені дінде өлген кісіні мазақ қылып, оны келекеге айналдыруға болмайды.
Ең дұрысы - Аллаға мәлім!
Өзекті сұрақтар
Көп оқылғандар
■
Хатым Құранды соңына дейін қалай аяқтауға болады, екі-үш парадан кейін тастап қойып жатырмын?
■
Қайтыс болған адамның қырқын қалай есептейді: жамбасы жерге тиген күннен бастап па, әлде қайтыс болған күннен бастап па?
■
Халал ақша бар төлем картасына харам ақша араласса, ол картаны қолдануға бола ма?
■
Темекіге жіберсе, баруға бола ма?
