Әссәләмуғалейкум! Айтыңызшы, ит төбелестіру мен оған ақша тігу харам болып санала ма? Тарқатып түсіндірсеңіз! Сәуле
|
Ит төбелестіру мен оған ақша тігудің діндегі үкімі қандай?
|
Уағалейкумуссәләм уә рахматуллаһи уә бәракәтуһ!
Шафиғи ғалымы Имам Нәуәуи (р.а.) былай деген:
«Хайуандарды бір-біріне айтақтап төбелестіру - харам саналады. Өйткені, Абдулла ибн Аббастан жеткен хадисте: «Хайуандарды бір-біріне айтақтап, өшіктіруден Алла елшісі тыйды»[1].
Ал, харам болуының мәнін хадисші ғалымдар былай деп түсіндіреді:
«Тыйымның себебі – құр ермекке жануарларға жапа шектіріп, оларды бостан-босқа қалжырату болып табылады»[2].
Ендеше, иттерді ермек үшін бір-біріне талаттырып қою, осылайша оларға азап шектірудің күнә екендігі даусыз. Ал, оған ақша тігу немесе өз-ара ақшаға төбелестіру – құмар ойыны болып есептеледі. Сондықтан, ол да харам[3]. Ханафи ғалымы Халил Ахмәд әс-Сәһәринфури жоғарыдағы хадиске жасаған түсіндірмесінде былай деп өткен:
«Хайуандарды төбелестіру – еріккендік болғандықтан әрі жануарларға жапа шектіріп, олардың өліміне алып келетіндіктен тыйым салынып отыр. Бұнымен қатар, екі жақты ақша тігілетін болса, онысы құмар болмақ»[4].
[1] Имам ән-Нәуәуи: Китабуль Мәжмуъ. 6/155 бет.
[2] Мубаракфури: Тирмизідің хадис кітабының шархы. №1708 хадис түсіндірмесі.
[3] Маида сүресі, 90-91 аяттар.: «Ей иман еткендер! Арақ, құмар, пұтқа табыну, бал ашу – лас және шайтанның істерінен».
[4] Халил Ахмәд: Бәзлул Мәжхуд фи Хилли Әби Дәуід. №12/59бет.
Өзекті сұрақтар
Көп оқылғандар
■
Хатым Құранды соңына дейін қалай аяқтауға болады, екі-үш парадан кейін тастап қойып жатырмын?
■
Қайтыс болған адамның қырқын қалай есептейді: жамбасы жерге тиген күннен бастап па, әлде қайтыс болған күннен бастап па?
■
Халал ақша бар төлем картасына харам ақша араласса, ол картаны қолдануға бола ма?
■
Темекіге жіберсе, баруға бола ма?
■
Әртүрлі тақырыпқа қатысты үш сұрақ
