Уағалейкумуссәләм уә рахматуллаһи уә бәракәтуһ!

Сахих риуаяттарда Әбу Сағләба әл-Хашини есімді сахаба ардақты Пайғамбарымыздан (с.а.у.): «Уа Алланың Елшісі! Біз «Кітап иелерімен[1]» көршілеспіз. Олар қазандарына шошқаның етін пісіріп, ыдыстарына шарап құйып ішеді?!», – деп сұрады. Сонда ардақты Пайғамбарымыз (с.а.у.): «Егер басқа ыдыс-аяқ тауып жатсаңдар, содан ішіңдер. Ал табылмай жатса, олардың ыдыстарын жуып жіберіңдер де, содан ішіп-жей беріңдер»[2],  – деп жауап береді.

Сондықтан да, олар қолданған ыдыс-аяқты жуып, қолдана беруге болады.