Бисмилләһ, уассаләту уәссәләму аля Расулилләһ!

Уағалейкумуссәләм уә рахматуллаһи уә бәракәтуһ!

Исламдағы түс жору тақырыбына жазылған кітаптарда түсінде азан шақырғанын көрудің мәнін былайша жорамалдайды:

1. Кім өзінің бір рет немесе екі рет азан айтып, артынан қамат түсіргенін көрсе, оған қажылыққа немесе умраға бару нәсіп болады. Бұған мына бір аят ишара: «Адамдарға қажылық жайында әйгіле (азан айт, құлағдар ет)». («Хаж», 27).
2. Кім өзін мұнарада тұрып азан айтқанын көрсе, ақиқаттың жаршысы болады және қажылыққа бару нәсіп болады деген үміт бар.
3. Түсінде азаншы екендігін көрсе, бірақ өңінде азаншы болмаса, маңсап иесі болады, егер соның адамы болса.
4. Кім өзін төбешікте тұрып азан айтқанын көрсе, табысты сауда немесе сұранысқа ие кәсіп иесі болады.
5. Түсінде азан сөздерін артығымен немесе кемітіп айтқан болса, яки, азан сөздерін өзгертіп айтқан болса, өңінде артық не кемітуінің мөлшеріне қарай, адамдарға қиянат жасайды.
6. Кім көшеде азан айтқанын көрсе, ол өңінде егер қайыр сүйер біреу болса, адамдарды жақсылыққа шақырып, жамандықтан қайтарады. Ал өзі бұзық біреу болса, онда біреуді ұрады.
7. Кім өзін қабырғаның үстіне шығып азан айтқанын көрсе, бір ер адамды келісімге шақыратын болады.
8. Кім тамының төбесіне шығып азан айтқанын көрсе, өңінде әйелі қайтыс болады.
9. Кім қағба тастың төбесіне шығып азан айтқанын көрсе, өңінде дінде жоқ бір жаңалықты кіріптар етеді.
10. Кім көршісінің тамының үстіне шығып азан айтқанын көрсе, көршісінің әйелімен қиянатқа барады.
11. Кім өзін азан айтып, қамат түсіргенін көрсе, ол өңінде бір сүннетті тірілтіп, бір бидғат істі жояды.
12. Кім патшаның есігінде азан айтқанын көрсе, өңінде патшаға ақиқатты айтады.
13. Кім қамауда болып, түсінде қамат түсіргенін немесе тұрып намаз оқығанын көрсе, қамаудан босатылады. Мына аят соны ишара етердей: «Егер олар тәубе етіп, намаз оқыса...». («Тәубе», 11).
14. Кім түсінде намазға қамат түсірген болса, ол өңінде үлкен іс істеп, соңысында сол ісіне мақтау алады.
15. Кім үйінде есігінің алдында, төсектің үстінде азан айтып жатқанын көрсе, ол көп ұзамай дүние салады.
16. Кім түсінде азан шақырып, қамат түсірсе және артынан намаз оқыса, оның дүниедегі ақыреттік амалы соңына ерді деген сөз, өліміне ишара.
17. Кім түсінде базарда біреудің азан шақырғанын естісе, базардағы біреудің өліміне ишара¹.

¹ Ибн Сирин, «Исламдағы түс жорамалы». Араб тілінде.