Бұл қызмет биыл ақпан айының соңына дейін іске қосылады. Мемлекеттік қызмет көрсетудің проактивті тәсілдерін кеңейту мақсатында жасалған жаңа сервиске сәйкес уақытша тіркелу мерзімінің аяқталуына бір күн қалғанда, азаматтың телефонына хабарлама келіп, мерзімді SMS арқылы ұзартуға болатыны туралы ескертіледі.

«Қызмет алушы тіркеуді ұзартуды қаласа, хабарламада көрсетілген кодты жолдау арқылы келісімін растауы тиіс. Сондай-ақ, пәтер иесіне де SMS-хабарлама жолданады. Нәтижесінде, деректер базасындағы меншік құқығы расталса, тұрғылықты жері бойынша уақытша тіркеу автоматты түрде ұзартылады», - деді «Азаматтарға арналған үкімет» мемлекеттік корпорациясының басқарма басшысы Абылайхан Оспанов.

Айта кетейік, проактивті қызметті пайдалану үшін мобильді азаматтар базасына тіркелу, яғни азаматтың жеке сәйкестендіру нөміріне телефон нөмірін байланыстырып қою қажет. Мұны электрондық үкімет порталындағы жеке кабинетте немесе кез келген Халыққа қызмет көрсету орталығында жүзеге асыруға болады.

Елiмiзде ветеринарлық анықтама электронды түрде берiлмек

«Биылғы жылы субсидиялау процесiн автоматтандыру жүйесi, электронды ветеринарлық анықтама беру жүйесi жүзеге асады. Сондай-ақ, мемлекеттiк орман учаскелерiн, ерекше қорғалатын табиғи территорияларды, аңшылық шаруашылықтарды немесе шаруашылық су қоймаларын бекiту кезiндегi конкурстық рәсiмдердi 100 пайыз электрондық форматқа алмастыру жүйесi iске асады. Электронды астық қолхат операцияларын блокчейн технологияларына алмастыру, ауыл шаруашылығы жерлерi, жайылым жерлер, орман, су ресурстарын, жануарлар әлемi, аңшылық және балық шаруашылық жерлерiне мониторинг жүргiзу үшiн геопортал құрылады», - дедi Евниев.

Вице-министрдiң айтуынша, зарарданған алаңдар мен объектiлер есебi автоматтандырылып, карантиндiк нысандар мен шегiртке сынды зиянкестердiң электронды картасы жасалады. Өсiмдiк шаруашылығы үшiн ауа райы болжамының дәлдiгiн арттыру мақсатында метеостанция бойынша пилоттық жоба iске асады. Зертханалық жұмыстар автоматтандырылады.

«Жалпы, цифрландыру бәсекеге қабiлеттiлiк пен еңбек өнiмдiлiгiн арттырып, азық-түлiк қауiпсiздiгiн қамтамасыз етедi. Сондай-ақ, ауыл шаруашылығы саласына инвестиция тартады. Жалпы, есептеулер бойынша 2025 жылға дейiн экономикалық эффект шамамен 40 млрд теңгенi құрайды», - дедi Арман Евниев.