Қарағанды қ.: «Asyl Dami» дәмханасы сертификатталды 

Қасиетті Рамазан айы қарсаңында Қарағанды қаласындағы «Asyl Dami» дәмханасы «QMDB Halal» сертификатына ие болды. Аталған дәмхана өнімдері мен қызметі қоғамдық тамақтандыру орындарына қойылатын халал стандарты талаптарына сай сертификатталды.

«Өңіріміздегі халал дәмханалар саны күн санап артуда. Қазіргі таңда бақылауымызда 14 тамақтану орындары бар. Барлық дәмханаларда ай сайын тұрақты түрде аудит шаралары жүргізіліп тұрады. Бүгін сертификаттаудан өткен «Asyl Dami» дәмханасының да ас әзірлеуде қолданатын барлық өнімдері мен өндіріс аймағы тексерілді. Халал стандарты талаптары толық орындалғаннан кейін ғана, сертификат табыстап отырмыз. «Asyl Dami» дәмханасының ұсынар асы адал, жұмыстары берекелі болғай», – дейді жергілікті өкіл Ысқақ Абдрахманов.

«Dami» дәмханасының мекен жайы: Қарағанды қаласы, Тәттімбет көшесі, 10/14.

Алматы қ.: «Hidrosol» тағамдық қоспалары сертификат жаңартты 

Алматы қаласындағы «Synar Food Ingredients» кәсіпорнының «Hidrosol» сауда білгісімен шығарылатын 53 түрлі тағамдық қоспалары «QMDB Halal» сертификатын жаңартты. Сертификатты «Халал Дамудың» Алматы қаласы бойынша жауапты өкілі Маратхан Мұхтарханұлы табыстады.

«Халал стандарты бойынша сертификатталуды аса қажет ететін тағам өндірісіндегі басты саланың бірі – тағамдық қоспалар.Тағамдық қоспалар - тағамдарды өндіру, өңдеу, дайындау, қаптау, тасымалдау және сақтау барысында өнімге қажетті дәм мен қалып, реңк, қоюлық немесе сұйықтық, сақталу мерзімін ұзарту секілді бірқатар технологиялық мақсатта қолданылады. Күнделікті қолданылатын бұрыш пен тұз да осы тағамдық қоспалардың қатарына жатады. «Hidrosol» тағамдық қоспалары лабораториялық зертханада тексеріліп, технолог мамандар мен жергілікті өкілдің бірлескен аудит нәтижесінен кейін ғана сертификаттау жөнінде шешім қабылданды», – дейді Маратхан Мұхтарханұлы.

«Synar Food Ingredients» берілген сертификат 14.03.2022-13.03.2023 мерзімі аралығында жарамды.