«Бірдің үйі» - негізінде монотеистік принцип жатқан ислам, христиан және иудей діндеріне ортақ, алдағы уақытта Германия астанасы ­– Берлин қаласында тұрғызылатын ғибадат ғимараты осылай аталатын болды. Аталмыш ғимарат XIII ғасырда салынған көне шіркеудің орнына тұрғызылатын болды. Толеранттылықты ту еткен бұл жобаны қолға алған Фритьоф Тимнің (Frithjof Timm) айтуынша, аталған ғибадат ғимаратының есігі біреу – құлшылық еткісі келген иудей де, мұсылман да, христиан да осы есіктен енеді. Ішке кірген соң өзіне қажетті құлшылық ететін орынға барады. Бұл жоба 43 млн еуроға бағаланып отыр. Бұл қаражат садақадан жиналатын болады.