BAQ.KZ ақпарат көзінің хабарлауыншаҚазақстан Республикасы Тұңғыш Президентінің Музейінде «Қазақ хандығы: Ұлы даланың ұлы бейнелері» атты қор көрмесінің ашылу рәсімі өтті. Экспозиция алғаш рет дәстүрлі қазақ қоғамының тарихи және мәдени мұраларын айғақтайтын бірнеше музейлік жинақтарды ұсынып отыр.

Көрменің мақсаты қазақ мемлекеттілігінің қалыптасуы мен нығаюында маңызды орын алған, Қазақ хандығы тарихындағы айтулы оқиғалар мен жарқын тұлғаларды көрсету. Назарларыңызға көрмеден арнайы фоторепортаж ұсынамыз. 

Ресей патшайымы І Елизаветаның  Абылай ханға тарту еткен атақты қылыштың бөлігі 

 Теріден жасалған саба

"Қазақ батырының сауыт-сайманы" панносы

"Хан кеңесі". Авторы Н.Қарымсақ

 Бөлек батырдың дулығасы

 "Хан аңшылығы". К. Муллашев 

Көптеген жәдігерлер көпшілік қауымға алғаш рет ұсынылып отыр. Осылардың қатарындаҚытайлық Цин династиясының кезеңіне жататын бірегей паннолар маңызды орын алады. Оларда қытай императорлардың әртүрлі мемлекет өкілдерімен дипломатиялық сыйлық алмасу рәсімі бейнеленген. Осы дипломаттар қатарында Қазақ хандығының да өкілдері бар. Осындай бірегей, мұрағаттық-бейнелеу дереккөздері ҚХР мұрағаттарынан табылған, ал олардың дәл көшірмелері ҚХР-дағы ҚР Төтенше және Өкілетті Елшісі, қазіргі кезде Президенттің Көмекшісі-ҚР Қауіпсіздік Кеңесінің Хатшысы Н.Б. Ермекбаевтың бастамасымен жасалған болатын.

Айта өтейік, «Қазақ хандығы: Ұлы даланың ұлы бейнелері» атты көрме 2015 жылдың 28 қыркүйегіне дейін жалғасады. Көрмені астаналықтар мен қала қонақтары Бейбітшілік көшесі 11 үйде орналасқан Қазақстан Республикасы Тұңғыш Президентінің Музейінен тамашалай алады.

Нұрсерік ЖОЛБАРЫС,

Ғабит МАДАЛИЕВ (фото)