Трансплантациядан кейін өсетін «тірі қан тамыры» жасалды
Трансплантациядан кейін өсетін «тірі қан тамыры» жасалды
2 жыл бұрын 1411 Материалды көшіріп басқан жағдайда islam.kz порталына сілтеме берілуі міндетті

Ғалымдар табиғи қан тамырларының күрделі құрылымына ұқсайтын материал ойлап тапты. Бұл жайында islam.kz порталы аталмыш зерттеу материалы жарияланған Advanced Materials мерзімді басылымы мен onlinelibrary.wiley.com ақпарат көзіне сілтеме жасай отырып мәлім етеді. Сидней университетінің жетекшілігімен халықаралық ғалымдар тобы тірі қан тамырларының құрылымына ұқсайтын материалдарды шығару технологиясын жасады. Жасанды құрылымдар трансплантациядан кейін жақсы тамыр алады, яғни, өсіп, жаңа жасушалар мен тіндерді қалыптастырады. Табиғи қан тамырларының қабырғалары эластиннің (қан тамырларының серпімділігі мен созылуын тудыратын ақуыз) концентрлі сақиналарынан тұрады. Бірнеше құрылымдар бір-біріне ұя салатын қуыршақ сияқты кіргізілген. Бұл сақиналарды серпімді етеді, бұл қан тамырларының кеңеюіне және тарылуына, сондай-ақ, қанның ағуына мүмкіндік береді. Бұл технология денеде жақсы тамыр алатын екі табиғи материалды ғана пайдаланады. Негізгі серпімді тірек PGS тігіс матрицасына ендірілген тропоэластиннен жасалған. Трансплантациядан кейін соңғысы ериді, дайын серпімді «түтіктерді» қалдырады. Бұл тарапта зертханадағы тышқандарға жасалған клиникалық тәжірибе мен сынақ нәтижесінен жасанды тамырды организмнің жатырқамайтыны белгілі болды. Бұл бағыттағы зерттеуге атсалысқан профессор Энтони Вайсс: «Табиғат ақырында бұл жасанды түтікті нағыз қан тамыры сияқты көрінетін, әрекет ететін және жұмыс істейтін түтікке айналдырады», - деп мәлімдеді. Зерттеушілер балаларға арналған трансплантация заманауи хирургияда түйінді мәселе екенін атап өтті. Нарықта бар жасанды тамырлар мәселені уақытша ғана шешеді, өйткені, дене өскен сайын жаңа операциялар мен имплантты ауыстыру қажет. Жаңа материал бұл мәселені шешімін табуға көмектесуі тиіс, деп санайды ғалымдар.

Трансплантациядан кейінгі 8 аптада және 8 айда тышқандардағы абдоминалды аорта мен трансплантацияны салыстыру. Сурет: Ziyu Wang және т.б., Advanced Materials

Ұқсас материалдар:

«Жасанды қан тамыры жасалды» (https://islam.kz/kk/news/gylym/jasandy-qan-tamyry-jasaldy-14151/#gsc.tab=0);

«3D-технология көмегімен жасанды қан тамырлары басып шығарылды» (https://islam.kz/kk/news/gylym/3d-tehnologiya-komegimen-jasandy-qan-tamyrlary-basyp-shygaryldy-video-15867/#gsc.tab=0)

 

0 пікір
Мұрағат