Америкалық ғалымдар анықтағандай, хориоидеи меланоманың (көздің тамырлы қабаты) дамуы - көз ісігінің өлімге әкелетін түрі - ингибиторлық кешеннің жоғалуымен байланысты, дәлірегі, қатерлі көз ісігінің пайда болуы гендерді реттейтін ақуыздар тобының 1 (PRC1) ингибиторлық кешенінің жоғалуымен байланысты болып шыққан. Бұл жайында islam.kz порталы аталмыш зерпттеу материалы жарияланған Nature Communications мерзімді басылымына сілтеме жасай отырып мәлім етеді. Әдетте көз тінінде пайда болған меланомды пышақпен сылып тастайды (ота) немесе радиотерапиямен емдейді. Алайда, мұндай кеселге душар болған науқастардың жартысынан көбісінің бауырында метастаз (қатерлі ісіктің таралуы) процесі басталады. Ғалымдар мұның сырын түсіндіріп бере алмай отыр. Корнелл, Калифорния және Стэнфорд жоғарғы оқу орындарының ғалымдары генетикалық, эпигенетикалық және құрылымдық-функциялық сараптама арқылы аталған меланомның PRC1 кешенінің жоғалуымен байланысты екенін анықтай алған. Яғни, аталған кешеннің жоғалуы (ал оның жоғалуына не себеп болатыны әлі анықталған жоқ) өз кезегінде гендер экспрессиясында (гендер экспрессиясы – гендегі ұрпақтан ұрпаққа берілетін ақпараттық жады функциялық өнімге, атап айтқанда, РНҚ-ға немесе ақуызға айналу процесі) ауытқулар тудырып, митоз (жасушалардың тігінен бөлінбеуі) кезінде хромосомалардың бөлінуінде қателікке жол береді. Бұдан пайда болған қабыну процесі қатерлі ісікке агрессиялық сипат дарытады. Дер кезінде әрі дұрыс емдемесе, адам өліміне дейін апаратын қатерлі көз ісігінің пайда болу тетігін табу өз кезегінде жоғарыда аталған меланом метастазының алдын алуға көмектесетін ем-дом тәсілін әзірлеуге мүмкіндік бермек.