E Ink компаниясы дисплейі икемді Gallery 3 электронды кітап концептісін жұртшылық назарына ұсынды. Бұл жайында islam.kz порталы The Verge ақпарат көзіне сілтеме жасай отырып мәлім етеді. Gallery 3 электронды кітабының электронды сияның негізінде жасалған экраны мәтінді оқуға қолайлы. Бүктелген, яғни, беті жабылған электронды кітап кәдімгі қағаз кітапқа ұқсайды. Келесі парағын ашу үшін девайсты жауып, ашу керек. Осылайша гаджет оқып болған соң аударуды қажет ететін қағаз парақты имитациялайды. Бұдан бөлек, жаңа бетін ашу үшін экранға қол тигізсе жетіп жатыр. Электрондық кітап түрлі-түсті кескіндерді көрсете алады: ол үшін қызыл, жасыл және көк пигменттер бар түс сүзгісі кәдімгі E Ink экранының үстіне қойылады. Құрылғы 300 dpi рұқсатымен 50 мыңнан астам түстерді көрсете алады. Бетті жаңарту жылдамдығы шамамен бір жарым секундты құрайды. Gallery 3 бағасы мен гаджеттің саудаға шығатын уақыты туралы әлі айтылған жоқ. Көздің көру қабілетіне зияны жоқ.