Адамның ең құпия ағзасы саналатын мидағы күрделі процестердің бірін ғалымдар таспаға тартып алыпты. Бұл арада жұлын сұйықтығының адам ұйқыға кеткенде миын улы заттардан шаю процесі турасында сөз болып отыр. Бұл жайында islam.kz порталы интернет дерек көзіне сілтеме жасай отырып мәлім етеді. Мұндай физиологиялық прцесс өз кезегінде мидың қалыпты жұмыс істеуіне қажет. Бостон университетінің (Америка құрама штаттары) нейролог ғалымдары бұл тарапта арнайы тәжірибе жүргізіп, жұлын сұйықтығының ұйқыда жатқан адам миындағы пульсация процесін таспаға тартып алған екен. Бұл бағыттағы зерттек ұйқының бұзылуымен байланысты түрлі нейрологияялық және психологиялық ауытқуларды мұқтия зерделеуге мүмкіндік бермек.