Баланың екі жасқа дейін емшек сүтімен қоректенуінің пайдасы туралы мағлұмат көп, алайда, емізудің анасына тигізер пайдасы көп айтыла бермейді. Жаңа босанған әйелдер тек физиологиялық тұрғыдан ғана емес, сонымен қатар, психологиялық жай-күйі де келіспейді. Ғалымдардың әлемде босанған әйелдердің шамамен 15%-ның күйзеліске бой алдыратынын алға тартып отыр. Таяуда бұл бағытта АҚШ аумағында арнайы зерттеу жүргізілген екен, аталмыш зерттеу АҚШ штаттарының жартысын қамтыған, дәлірегі, 30 мыңдай жас босанған ана зерттеуге тартылған. Бұл жайында islam.kz порталы Naked Science мерзімді басылымына сілтеме жасай отырып мәлім етеді. Аталған зерттеу барысында ғалымда босанған әйелдердің әлеуметтік-экономикалық жағдайын, жат әдетке қаншалықты үйір екендігін, т.б. факторларды ескерген.