OIST және Corundum Systems Biology компаниялары бірігіп, адамның фенотипін ірі ауқымда зерттеудің стандарттарына арналған деректер сараптамасының дербес, яғни, автоматтандырылған зертханасын жасады. Бұл жайында islam.kz порталы eurekalert.org ақпарат көзіне сілтеме жасай отырып мәлім етеді. Аталмыш зертхана персоналды медицина мен денсаулық сақтау саласындағы траншекаралық жаңалықтарды ашуға көмектеседі. Окинава ғылым және технология институтының магистратура университеті (OIST) және Corundum Systems Biology Inc. (штаб-пәтері Токиода) ауруды болжайтын және дәрі-дәрмек табуға арналған толық автоматтандырылған жүйені әзірлеуге арналған ғылыми жобаны бастады. Бірінші кезеңде, яғни, үш жыл ішінде жапон ғалымдары жоғары автоматтандырылған аналитикалық жүйені әзірлейді және күрделі геномдық зерттеулер жүргізеді, метаболизмге байланысты факторларды, сондай-ақ, симбиотикалық микробтарды және т.б. зерттейді. Түбінде ғалымдар жасанды зерде мен роботтехника мүмкіндіктерін пайдалана отырып, дербес ғылыми жаңалықтарды жүзеге асыра алатын жүйе жасайтын болады. Бірінші қадам - ​​ішек және басқа бактерияларға негізделген толық автоматтандырылған кешенді талдау жүйесін жасау. Жоба адам мультиомикасын ауқымды зерттеуге мүмкіндік береді. Мультиомика - геном, протеом, транскриптом, эпигеном, метаболом және микробиома сияқты деректер жиынын биологиялық тұрғыдан талдау тәсілі. Аталмыш зертхана 2024 жылы пайдалануға беріледі. Осы жылдан бастап ол стандартталған сападағы биодеректерді генерациялай бастайды және мұндай зерттеулерді әртүрлі елдер мен аймақтар үшін қол жеткізе алатын дерекке айналдырады.