Ғалымдар ана құрсағында жатқан шақалақтың генін редакциялау әдісін жасады. Болашақта аталмыш тәсіл емі қиын генетикалық, яғни, тұқым қуалайтын ауруларды шақалақ дүниеге келмей тұрып емдеуге мүмкіндік бермек. Яғни, өмірге дені сау ұрпақ әкелу мақсатымен ұштасқан ізденіс өз нәтижесін беріп отыр. Бұл бағытта арнайы ізденген Орегон штатының денсаулық және ғылым университетінің ғалымдарының Nucleic Acids Research мерзімді басылымында жарияланған зерттеу нәтижесінде айтылған.

Ғалымдар бұл тәсіл бойынша тышқандарға тәжірибе жүргізіп, онысы сәтті шыққанымен әзірге адамдарға қолданған емес. Ғалымдар ұрықтанудан кейін 12 күн өткен соң эмбрионалды тышқанның ішкі құлағына арнайы әзірленген синтетикалық молекуланы енгізген болатын. Молекула организмде нуклеиндік қышқылдың белгілі бір тізбегіне қосылатын синтетикалық антимағыналық олигонуклеотидтен тұрады. Бұл бағытта жүргізілген тәжірибедегі мақсат мессенджер деп аталатын, яғни, геннің жасушада қашан және қаншалықты күшті экспрессияланатынына әсер ететін молекула класын қалыптастыруға саяды. Нәтижесінде ғалымдар тышқан эмбрионының бүгінгі таңда әлем тұрғындарының 100 мың адамына шаққанда шамамен 4-17 адамға дейін шалдыққан Ашер синдромын (асқынса, керең, соқыр қылып тастайтын дерт) тудыратын мутацияға ұшыраған ген эксперссиясын түзетті. Сөтсе де аталмыш зерттеуге атсалысқан ғалымдар жаңа тәсілді адамдардың бойындағы тұқым қуалайтын ауруларды емдеу үшін сол қалпында қолдануға келмейтінін алға тартып отыр. Десе де жаңа зерттеуді бұрынғы нәтижелерімен ұштастырса, дәрі түріндегі терапияны ұрық үшін жатырға амниотикалық сұйықтықты жіберу арқылы жүзеге асыруға мүмкіндік бермек. Бұдан бөлек, келешекте бұл адамдардың тұқым қуалайтын ауруларын тиімді баламалы әдістерін табуға көмектеседі.