Шағын көлік құралы оңай жиналады. Оны скутермен жүруге болмайтын жерлерде чемодан секілді қолға алып жүруге қолайлы. Бұл жайында islam.kz порталы hi-tech ақпарат көзіне сілтеме жасай отырып мәлім етеді. Жапондардың Shimizu бренді бүктелетін, электрмен жүретін Arma самокатын жұртшылық назарына ұсынды. Оның салмағы 4,5 келі тартады. Электрлік скутер ауыстырылатын батареямен жабдықталған. Корпустың орталық бөлігінде орналасқан, ол 250 Вт қозғалтқышты қуаттандырады және көлік құралына сағатына 24 шақырымды арртқа тастауға, барынша жылдамдықпен бір сапарда 11-14 шақырым жол жүруге мүмкіндік береді. Оны USB-C арқылы екі сағатта зарядтауға болады. Классикалық бір топсалы жиналмалы механизмнен айырмашылығы, Arma бірнеше топсаларды пайдаланады. Бүктетілген кезде Arma өте жинақы, өлшемі: 210 x 297 x 96 мм. Электрлік скутердің жеделдету және тежеу ​​түймелері, сондай-ақ, жылдамдық пен батареяның қызмет ету мерзімі туралы ақпаратты көрсететін орталық дисплей бар. Құрылғы салмағы 100 келіге дейінгі жүргізушіге арналған. Kickstarter платформасында қаражат жинау қазірдің өзінде іске қосылды. Алғашқы тапсырыстар 2024 жылдың шілде айында жеткізіле бастайды.