Биологтер көп жасушалы жануарлардан жер бетінде ең алғашқы болып пайда болған тіршілік иесін анықтады. Бұл жайында islam.kz порталы sciencealert.com ақпарат көзіне сілтеме жасай отырып мәлім етеді. Сонымен жердегі ең алғашқы жануар – бүгінгі медузаны еске түсіретін, мөлдір келген теңіз организімі – ескекші болып шықты. Аталмыш зерттеуге атсалысқан Даниел Рохсар есімді молекулалық биологтың сөзіне қарағанда, жердегі барлық жануардың арғы бабалары шамамен 600-700 млн жыл тіршілік еткен. Олардың қандай болғанын көзге елестету қиын, өйткені, олардың денесі жұмсақ болғандықтан тасқа айналған іздері қалмаған. Зерттеушілер бұл тарапта тарақты медузаның, теңіз сіңірушісінің (губка), бір жасушалы организмдердің және микробты балық паразитінің геномдарын зерттей келе бұл организмдер арасындағы эволюциялық өзгерістер ретін анықтаған екен. Алдымен стенофорлар (ескекшілер), содан кейін губкалар пайда болғаны белгілі болды. Содан кейін олар гендерін көп жасушалы тірі организмдердің басқа түрлеріне ауыстырған.