Үндістанның үкімет департаменті 24 жыл бойы жұмысқа келмеген шенеунікті қызметінен босату туралы шешім шығарды. Бұл жайында nur.kz сайты «Қазақпаратқа» сілтеме жасай отырып, хабар таратты.

Қоғамдық жұмыстар бойынша орталық департаменттің қызметкері 1990 жылы желтоқсан айында еңбек демалысына кетіп, сол күйі оралмаған.

Оның демалысын ұзарту туралы өтініші қанағаттандырылмады, ал жұмыстан босату туралы шешім ылғи да кейінге шегеріле берген.

Бұндай оқиға Үндістанда алғаш рет болып отырған жоқ. Былтыр ғана Үндістандағы штаттың басшылығы 23 жыл бойы мектепке келмеген мұғалімді анықтаған еді.