Мамыр айының 25-і күні түрік әскери теңіз флотындағыGolcuk верфінде «Қызыр рейс» (Hizir Reis)  дизелді-электрлі сүңгуір қайығын (суасты кемесін) суға жіберді. Бұл жайында islam.kz порталы Naval News ақпарат көзіне сілтеме жасай отырып мәлім етеді. Қызыр рейс – Түркия Әскери-теңіз күштеріне арналған әуеден тәуелсіз электр стансасы (VNEU) бар Reis тобындағы екінші сүңгуір қайық. Сүңгуір қайық Османлы корсары, теңіз қолбасшысы Барбаросса Қызыр Хайреддин пашаның құрметіне аталған. XVI ғасырда корсар флотын басқарып, Алжирдің билеушісі, содан кейін Осман империясының адмиралы болды. Түркия Әскери-теңіз күштері үшін анаэробты қозғалтқышы бар алты сүңгуір қайық сатып алу бағдарламасы 2009 жылы басталған болатын. ThyssenKrupp Marine Systems неміс компаниясы әзірлеген модификацияланған «Тип-214ТН» жобасы негізінде. Reis тобындағы сүңгуір қайық бағдарламасы түрік теңіз күштері үшін маңызы зор. Олар VNEU мүмкіндіктерін пайдалана отырып, елдің суасты флотының қуатын арттыруы керек. Қазір түрік флотының қарамағында кәдімгі қозғалтқыштары бар 12 сүңгуір қайық бар. Түркия билігі анаэробты қозғалтқыштары бар суасты қайықтарын жасау бағдарламасы ұлттық теңіз флотына ғана емес, елдің қорғаныс өнеркәсібіне де пайда әкелетініне сенім артып отыр. Аталмыш жоба барысында жинақталған ноу-хау мен тәжірибе жергілікті конструкторлар мен кеме жасаушыларға өздерінің жаңа буын сүңгуір қайықтарын жасауға көмектеседі, ол қазіргі уақытта бастапқы жобалау сатысында (өндіріс 2030 жылдары басталады) тұр. Howaldswerke-Deutsche Werft (HDW) неміс компаниясы Reis тобындағы сүңгуір қайықтар үшін аккумуляторлар мен электр стансаларын жеткізеді, ал түрік әзірлеушілері барлық электроника мен қару жүйелерін қамтамасыз етеді. «Рейс» типті сүңгуір қайығының ұзындығы 68,35 метрге жетеді, су ығыстыруы - 1850 тонна. VNEU-ті пайдаланудың арқасында сүңгуір қайық 17 күнге дейін су бетіне шықпай, яғни, су астында қозғала алады. Суға бату жылдамдығы - 20 түйінге дейін, жер үсті жылдамдығы - 12 түйін. Сүңгу тереңдігі - 400 метрге дейін. Сыйымдылығы - 40 адам.

Ұқсас материал:

"Түркия өздерінің отандық субмаринасын құрастырады" (https://islam.kz/kk/news/alem/turkiya-ozderinin-otandyq-submarinasyn-qurastyrady-16862/#gsc.tab=0)