Қырғызстанда милиция Жалал-Абад тұрғынын әйел үстіне әйел алғаны үшін жауапқа тартып жатыр. Бұл жайында islam.kz порталы 24.kg ақпарат көзіне сілтеме жасай отырып мәлім етеді. Нақтырақ әрі тарқатып айтқанда, Жалал-Абадта алғашқы әйелімен ажыраспай жатып, екінші әйел алған адамның үстінен сотқа дейінгі тергеу амалдарын бастаған. Тергеу Қырғыз республикасының қылмыстық кодексінің «Екі әйел алу немесе көп әйел алу» бабы бойынша жүргізіліп жатыр. Бұған әлеуметтік желідегі видео себеп болған. Күйеуінің тоқалмен үйлену тойына бәйбішесі де екі баласымен қатысқан. Бәйбішесі күйеуіне бақыт тілейтінін, күндес емес, тілектес екенін жеткізеді, балалары да әкесін құттықтап жатыр...