Иранның мемлекеттік қауіпсіздігі мен қорғанысына тікелей жауапты Ислам революциясының сақшы корпусы (ИРСК) Парсы шығанағындағы стратегиялық жерасты зымыран базасын әлем қауымдастығының назарына ұсынылды. Бұл жайында islam.kz порталы Deutsche Welle ақпарат көзіне сілтеме жасай отырып мәлім етеді. Осылайша Иран билігі қарулы қақтығыс ықтималдылығы жоғары аймақта өзінің әскери әлеуетін жария түрде танытуды мақсат етіп отыр. Хабарға қарағанда, аталмыш базаның ашылу салтанатына ИРСК-тің әскери-теңіз күштерінің қолбасшысы Әлірез Тансірі мен ИРСК бас қолбасшысы Хұсейн Сәлами қатысқан. Хұсейн Сәламидің айтуынша, бұл базада дәлдігі жоғары әрі күйрете соққы беретін, сондай-ақ, жүздеген шақырым қашықтыққа ұшатын, радиоэлектрлі қорғанысты еңсере алатын зымырандар орналастырылған.