Австралияда кезекті экологиялық  World Solar Challenge жарыстары аяқталды. «Күн» автомобильдеріндегі бәсекеге 25 елдің 46 командасы қатысты, деп жазды epochtimes.ru.

Қатысушылар 3 021 километр қашықтықты бағындыруы тиіс еді.

Мәреге бірінші болып Нидерланды намысын қорғаған Solar Team Twente құрамасы келді. Екінші орында олардың жерлестері Nuna 8 командасы. Ал үздік үштікті Мичиган өкілдері тұйықтады.  

World Solar Challenge  жарысы 1987 жылдан өтіп келеді. Мақсат - күн батареялары арқылы жүретін экологиялық таза көлікті насихаттау. Бүгінде оған деген сұраныс артып келеді.