Бангладеш — әлемдегі халқының саны көп (конспирологиялық дерек бойынша шамамен 170 млн адам) әрі тығыз орналасқан мемлекет. Халқының саны бойынша әлемде сегізінші орыннан көрінген ел тұрғындарының шамамен 92 пайызын мұсылмандар құрайды. 98 пайызын бенгалдықтар құрайтын аграрлы-индустриялық ел аумағы144 000 шаршы шақырымды алып жатыр. Ылғалды климат ауыл шаруашылығымен жыл бойы айналысуға мүмкіндік бергенімен Оңтүстік Азиядағы кедей елдердің бірі. Негізінен күріш, шай, арпа, темекі өсірумен шұғылданатын фермерлер қарасы көп. Бенгал шығанағынан теңіз өнімдері мен балық аулайтындар мен енеке өсіретіндердің де қарасы әжептәуір. Аталмыш ел экономикасының екі жауы бар: табиғи апаттар (жиі орын алатын циклон, сел-тасқын) мен жең ұшынан жалғасқан сыбайлас жемқорлық. Халқының 60 пайызын еңбекке жарамды азаматтар құрайтын елде жұмыс табу қиын. Күніне ақ таңнан қара кешке дейінгі еңбегі үшін екі долларды місе тұтатындар көп, ең ақсы табатындары – күніне зияны шаш-етектен өндірістік орындардағы 12 сағаттық жұмыстан ары кетсе 10 доллар табыс табатындары. Мәселен, ел астанасы – Дакка қаласы маңайындағы аллюминий зауытында істейтіндерді алайықшы. Олардың дені елдің өзге өңірінен нәпақа іздеп келгендер құрайды. Ауыр жұмыстан қолдары тие бермейтіндіктен отбасын, бала-шағасын айына-жылына бір көреді. Аллюминий зауытында жұмысшылар тозығы жеткен шелектерді, құтыларды, құрылыс қалдықтарын, т.б. аллюминиден жасалған тұрмыстық заттар мен бұйымдарды өңдеп, металл кесектеріне айналдырады. Денсаулыққа аса қауіпті өндірісте жұмысшыларды металл тозаңдары араласқан бу мен шаң-тозаңның ортасында үретін оларға еңбек қауіпсіздігінің талаптары қарастырылмаған. Жұмыстан айырылмас үшін жұмысшылар басын қатерге тігуге мәжбүр.

Дакка қаласының маңы, Бангладеш. Фото: A.M. Ahad / AP

Мұхаммад Мұшарраф алюминиді сұрыптап отыр. Фото: A.M. Ahad / AP

Буриганги өзенінің жағалауындағы жұмысшы. Фото: A.M. Ahad / AP

Әйелдер зиянды шаң-тозаңнан өзін тек мата кесегімен ғана аузы-мұрнын тұмшалап қорғайды. Фото: A.M. Ahad / AP

Мұхаммед Жамал 4 айлық қызын туғанына екі күн өткенде соңғы рет көрген болатын. Фото: A.M. Ahad / AP

Балқытылған аллюминиді қалыпқа құйып жатыр. Фото: A.M. Ahad / AP

Мұхаммед Жамал алюминий балқытуда; Фото: A.M. Ahad / AP

Өңделген аллюминий кесектері тиісті жеріне жеткізілуі үшін тиеліп жатқан сәті. Фото: A.M. Ahad / AP

Мұхаммед Жамал қолы қалт еткенде лай сумен бетін шайып тұр. Фото: A.M. Ahad / AP

Ауыр жұмыстан шаршағанда.... Фото: A.M. Ahad / AP

Мұхаммед Мүтәліп фабрикадағы өзі тұрғызған лашығында кешкі ауқатын ішіп отыр. Фото: A.M. Ahad / AP

Мүтәліп үзіліс уақытын пайдаланып, қызына телефон шалған сәті. Фото: A.M. Ahad / AP

Рубел Хұссейн жұмыстан кейін бой жазып жүр. Фото: A.M. Ahad / AP

Алюмини кесектері автокөлік құрастыратын компанияларға сатылады. Фото: A.M. Ahad / AP