Сауд Арабиясының астанасындағы №373 мектептің қарт күзетшісі сабаққа бет алған оқушылардың жолдан өтуіне ұдайы көмектесетіні үшін марапатталатын болды. Көлік жүргізушілердің бірі оның оқушыларға жолдан өтуіне көмектесіп тұрған сәтін таспаға тартып алып, әлеуметтік желіге салған екен. Тек салып қана қоймай, білім беру министріне оның бұл еңбегін елеусіз қалдырмауды сұрап, жазба қалдырған екен. Аталмыш министрлік тарапынан жауап көп күттірген жоқ. Министр «Твиттердегі» өзінің парақшасында оқушыларға ұдайы қамқор болып жүретін күзетшіні марапттайтынын жазыпты. Бұл жайында «әл-Арабия» ақпарат көзі хабар таратты.